مصنف ابن ابي شيبه

حضرت عبد اللہ بن سعید سے روایت ہے۔ وہ کہتے ہیں کہ میں نے حضرت علی رضی اللہ عنہ بن حسین پر ایک سفید رنگ کی دو تہہ والی بڑی ٹوپی دیکھی۔

حضرت ہشام سے روایت ہے۔ وہ کہتے ہیں کہ میں نے حضرت ابن زبیر پر ایک ایسی ٹوپی دیکھی جس کا چھتا بھی تھا۔ جب آپ بیت اللہ کا طواف کرتے تھے تو اس کے چھتے کے ذریعہ دھوپ سے بچاؤ کرتے تھے۔

حضرت یزید سے روایت ہے۔ وہ کہتے ہیں کہ میں نے ابراہیم پر ایک ایسی بڑی ٹوپی دیکھی جس کے اطراف میں لومڑی یا نیولے کی کھال سے پیوند کاری تھی۔

حضرت اجلح سے روایت ہے۔ وہ کہتے ہیں کہ میں نے حضرت ضحاک پر لومڑی کی (کھال سے بنی) ٹوپی تھی۔

حضرت اشعث، اپنے والد سے روایت کرتے ہیں کہ حضرت ابو موسیٰ ، قضاء حاجت سے فارغ ہو کر باہر آئے ، آپ (کے سر) پر ایک بڑی ٹوپی تھی چناچہ آپ نے اس پر مسح کیا۔