مصنف ابن ابي شيبه

حضرت عمران بن ابی انس سے روایت ہے ۔ کہتے ہیں کہ رسول اللہ صلی اللہ علیہ وآلہ وسلم اثمد سرمہ لگایا کرتے تھے۔ اور آپ صلی اللہ علیہ وآلہ وسلم دائیں آنکھ میں تین سلائیاں سرمہ لگاتے تھے اور بائیں آنکھ میں دو سلائیاں سرمہ لگاتے تھے۔

حضرت انس کے بارے میں روایت ہے کہ وہ ہر آنکھ میں تین تین مرتبہ سرمہ لگایا کرتے تھے۔

حضرت ابن سیرین کے بارے میں روایت ہے کہ وہ دو سلائیاں اس آنکھ میں اور دو سلائیاں اس آنکھ میں سرمہ لگایا کرتے تھے اور ایک سلائی دونوں آنکھوں کے درمیان لگاتے تھے۔

حضرت ابن عباس رضی اللہ عنہما سے روایت ہے ۔ کہتے ہیں کہ آپ صلی اللہ علیہ وآلہ وسلم کے پاس ایک سرمہ دانی تھی جس سے آپ صلی اللہ علیہ وآلہ وسلم ہر آنکھ میں تین تین سلائیاں سرمہ لگاتے تھے۔