مصنف ابن ابي شيبه

حضرت جابر فرماتے ہیں کہ حضرت ابن زبیر رضی اللہ عنہ نے سالوں کے حساب سے کھجوروں کی بیع کرنے کو ناجائز قرار دیا ہے۔

حضرت جابر رضی اللہ عنہ سے مروی ہے کہ آنحضرت صلی اللہ علیہ وسلم نے کھجور کی کئی سالوں کے لئے بیع کرنے سے منع فرمایا ہے۔

حضرت جابر رضی اللہ عنہ سے مروی ہے کہ نبی ﷺ نے سالوں کے اعتبار سے (یعنی کئی سال کی اکٹھی بیع کرنے) سے منع فرمایا ہے۔

حضرت محمد بن علی رضی اللہ عنہ فرماتے ہیں کہ مجھے نبی کریم صلی اللہ علیہ وسلم کے صدقات کا ولی بنایا گیا تو میں حضرت محمد بن لبید کے پاس آیا اور ان سے اس کے متعلق دریافت کیا، انہوں نے فرمایا : حضرت عمر رضی اللہ عنہ کے پاس ایک یتیم کا مال تھا، آپ نے اس کا مال تین سال کے لئے فروخت کیا تھا۔

حضرت منصور سے کہا گیا کہ ابراہیم دو سال کے لئے کھجور کی بیع کرنے کو ناپسند کرتے تھے ؟ حضرت منصور نے فرمایا : وہ تو اس سے بھی آسان چیز کو ناپسند کرتے تھے۔

حضرت سعد سے مروی ہے کہ حضرت اسید بن خضیر فوت ہوئے تو ان کے ذمہ قرضہ تھا ، حضرت عمر رضی اللہ عنہ نے ان کی زمین کے پھلوں کو دو سال کے لئے فروخت فرمایا۔