مصنف ابن ابي شيبه

حضرت عامر اس شخص کے متعلق فرماتے ہیں جس نے سامان خریدنے کے بعد اس میں عیب پایا، پھر اس سامان کو فروخت کرنے کے لئے پیش کیا، تو اس کو اب واپس کرنے کا اختیار حاصل نہیں۔

ابراہیم سے بھی اسی طرح مروی ہے۔

حضرت شریح رحمہ اللہ فرماتے ہیں کہ جب کوئی شخص سامان میں عیب دیکھنے کے بعد اس کو فروخت کرنے کے لئے پیش کرے تو اس پر بیع نافذ ہوجائے گی واپس کرنے کا اختیار ختم ہوجائے گا۔

حضرت شریح فرماتے ہیں کہ جب کوئی شخص باندی یا سامان خریدے پھر اس سے ہمبستری کرے یا اس کو عیب دیکھنے کے بعد فروخت کرنے کے لئے پیش کر دے تو اس پر بیع لازم ہوجائے گی خیار ختم ہوجائے گا۔