مصنف ابن ابي شيبه

حضرت مرہ ابن شراحیل سے مروی ہے کہ حضرت صہیب نے حضرت عثمان سے گھر خریدا، اور اس میں اتنا اتنا عرصہ رہنے کی شرط لگا دی۔

حضرت تمیم داری نے اپنا مکان فروخت کیا اور اپنی زندگی تک اس میں رہنے کی شرط لگا دی، اور فرمایا کہ میری مثال تو حضرت موسیٰ علیہ السلام کی والدہ کی طرح ہے، ان کا بیٹا ان کو دودھ پلانے کے لئے واپس کیا گیا، اور دودھ پلانے پر اجرت بھی ان کو دی گئی۔

حضرت عامر سے مروی ہے کہ دو خواتین نے اپنا گھر فروخت کیا، اور دونوں نے عمر بھر اس میں رہنے کی شرط لگا دی، حضرت عامر نے فرمایاِ وہ دونوں جب تک زندہ ہیں اس میں رہیں گی۔

حضرت وکیع فرماتے ہیں کہ حضرت ابن ابی لیلیٰ ہمارے سامنے اس کو جائز قرار دیتے تھے۔ لیکن ابی لیلیٰ کے علاوہ دوسرے حضرات اس کو رد کردیتے تھے۔

حضرت شریح فرماتے ہیں کہ ہر مسلمان کے لئے اس کی شرط ہے۔