مصنف ابن ابي شيبه

حضرت عبد اللہ بن یسار فرماتے ہیں کہ میں نے حضرت ابو درداء کو دوسرے شخص سے بھاؤ اگاتے ہوئے سنا۔ لیکن اس شخص نے قسم اٹھائی کے میں اس شے کو بیچنا ہی نہیں چاہتا۔ بعد میں وہی شے اس نے ابودرداء کو اتنی قیمت پر ہی دے دے۔ ابو درداء نے فرمایا کہ میں ناپسند سمجھتا ہوں کہ تجھ گناہ پر برانگیختہ کروں۔

حضرت معاذ سے مروی ہے کہ ایک شخص نے سامان کی قیمت لگائی، پھر فروخت نہ کرنے کی قسم اٹھائی، پھر ان کو فروخت کرنے کے لئے بلایا، انہوں نے اس کے خریدنے کو ناپسند فرمایا۔

حضرت معاذ سے اسی طرح مروی ہے۔

حضرت ابن عون فرماتے ہیں کہ میں نے محمد سے عرض کیا کہ : ایک شخص نے کوئی چیز فروخت نہ کرنے کی قسم اٹھائی پھر وہ اس کو فروخت کرتا ہے، تو کیا اس سے وہ چیز خرید لوں ؟ فرمایا : جی ہاں خرید لو، اور اس کو اس کی قسم یاد دلا دو ۔

حضرت ابن سیرین سے اسی طرح مروی ہے ، فرمایا : یہ اس کی یمین کے لیے باعث تحفظ ہے۔