مصنف ابن ابي شيبه

حضرت عامر سے مروی ہے کہ حضرت علی رضی اللہ عنہ کو کسی معاملہ میں پیش کیا گیا، حضرت وکیع نے فرمایا کسی چیز کے متعلق ، فرمایا یہ ظلم ہے اگر یہ صلح نہ ہوتی تو میں اس کو رد کردیتا۔

حضرت شریح فرماتے ہیں کہ جو عورت بھی ثمن پر صلح کرے اور اس کو بیان نہ کیا جائے کہ اس کے خاوند نے کیا چھوڑا ہے یہ سرا سر دھوکا ہے۔

محمد رحمہ اللہ فرماتے ہیں کہ قاضی شریح نے کو میں نے صرف ایک مرتبہ صلح کا فیصلہ کرتے ہوئے دیکھا ہے، وہ یوں ہوا کہ ایک شخص نے خاتون کے پاس اسّی درہم امانت رکھوائے، بعد میں خاتون نے اپنے سامان کو الٹ پلٹ کیا۔ خاتون سے وہ دراھم ضائع ہوگئے۔ پس وہ جھگڑا حضرت شریح کی خدمت میں لے گئے۔ حضرت شریح نے فرمایا کہ پھر کیا تو اس پر تہمت لگانا چاہتا ہے ؟ اس نے کہا کہ نہیں، آپ نے فرمایا : اگر تو چاہے تو پچاس درہم وصول کرلے۔

حضرت عبد اللہ بن عتبہ کے پاس بعض اوقات لوگ جھگڑا لے کر آتے تو آپ فرماتے کہ جاؤ چلے جاؤ اور صلح کرلو۔

حضرت ابن سیرین سے مروی ہے کہ بعض اوقات حضرت شریح کے پاس لوگ جھگڑا لے کر حاضر ہوتے تو آپ فرماتے عبیدہ کے پاس چلے جاؤ۔

حضرت عمر رضی اللہ عنہارشاد فرماتے ہیں کہ جھگڑنے والوں کو واپس کردو تاکہ وہ صلح کرلیں، بیشک فیصلہ کرنے سے جھگڑنے والوں میں کینہ پیدا ہوجاتا ہے۔

حضرت عمر رضی اللہ عنہ نے ایک قاضی بھیجا اس کے پاس دو شخص جھگڑا لے کر آئے، اس نے اُ ن میں سے ایک کو عطا کردیا اور دوسرے کو اپنی طرف سے ایک دینار عطاء کردیا، حضرت عمر رضی اللہ عنہ کو جب یہ خبر پہنچی تو آپ نے اس کو معزول کردیا۔