مصنف ابن ابي شيبه

حضرت ابن سیرین فرماتے ہیں کہ جو شخص شرط کے ساتھ کپڑا خریدے پھر اس کا حق دار (مالک) نکلنے سے قبل ہی اس کو مرابحۃً آگے فروخت کر دے تو جتنا نفع ہے وہ کپڑے والے کو ملے گا۔

محمد رحمہ اللہ فرماتے ہیں کہ جو شخص شرط کے ساتھ مبیع خریدے پھر اس کا حق دار نکلنے سے قبل ہی اس کو فروخت کر دے تو اس میں جو بھی نفع ہوا ہے وہ پہلے کے لئے ہوگا۔

حضرت طاؤس فرماتے ہیں کہ جب خیار کے ساتھ بیع کی، پھر اس کا صاحب (مالک) آنے سے پہلے ہی اس کو آگے فروخت کردیا، تو اس کی بیع درست ہے اور یہ نفع اس کے لئے حلال ہے۔

حضرت عتبہ فرماتے ہیں کہ میں نے حضرت شریح رحمہ اللہ سے فرمایا کہ : میں بازار جا کر کپڑا خریدوں گا اور اس میں خیار شرط لگاؤں گا، پھر واپس آ کر اس کو فروخت کروں ، اگر نفع ہو تو ٹھیک وگرنہ واپس کر دوں تو ایسا کرنا کیسا ہے ؟ فرمایا ایسا مت کرو۔