مصنف ابن ابي شيبه

حضرت ابن سیرین رحمہ اللہ ارشاد فرماتے ہیں کہ والد کے لئے اپنی اولاد کے ساتھ حسن سلوک کرنا ضروری ہے، اور ہر انسان اس چیز کا زیادہ حق دار ہے جس کا وہ مالک ہے۔

حضرت ابن عون سے مروی ہے کہ ایک شخص نے حضرت قاسم بن محمد سے روایت کیا کہ کیا کوئی شخص (والد) اپنے بیٹے کے مال میں سے جو چاہے بغیر اجازت استعمال کرسکتا ہے ؟ آپ نے فرمایا : میں نہیں جانتا یہ کیا ہے ؟

حضرت مجاہد فرماتے ہیں کہ اپنے بیٹے کے مال سے وہ لے جو وہ دے اور جو وہ نہ دے وہ مت لے۔

حضرت سالم سے مروی ہے کہ حضرت حمزہ بن عبد اللہ بن عمر رضی اللہ عنہما نے ایک اونٹ ذبح فرمایا : ایک سائل نے حضرت ابن عمر رضی اللہ عنہما سے سوال کیا ؟ حضرت عبداللہ نے فرمایا کہ یہ میرا مال نہیں ہے۔ حضرت حمزہ نے کہا کہ ابا جان یہ آپ کے لیے بھی حلال ہے۔ آپ اس م یں سے جسے چاہیں کھلا سکتے ہیں۔

حضرت زہری فرماتے ہیں کہ اگر والد محتاج ہو تو وہ اتنا ہی خرچ کرے گا جتنا اس نے اس پر خرچ کیا تھا۔

حضرت علی رضی اللہ عنہ ارشاد فرماتے ہیں کہ اگر بیٹا چھوٹا ہو تو والد اس کے مال کا زیادہ حق دار ہے۔ اور جب بیٹا بڑا ہوجائے اور اپنا مال علیحدہ کرلے تو پھر بیٹا زیادہ حق دار ہے۔