مصنف ابن ابي شيبه

حضرت ابن مسعود رضی اللہ عنہ مکاتب کی بیع کو ناپسند کرتے تھے۔

ابراہیم فرماتے ہیں کہ اگر مکاتب پر بدل کتابت باقی ہو اور جس سے خریدا تھا اس کو فروخت کیا جائے، اور اس کو آزاد کرنے کا ضامن بنایا جائے، تو کوئی حرج نہیں، غلامی کے لئے اس کو فروخت نہیں کیا جائے گا۔

حضرت عائشہ رضی اللہ عنہا سے مروی ہے کہ حضرت بریرہ جو مکاتبہ تھیں، میرے پاس آئیں تو میں نے آنحضرت صلی اللہ علیہ وسلم سے دریافت کیا کہ اگر میں اس کو خرید لوں تو کیا اس کی ولاء اس کے آقا کو ملے گی ؟ آپ صلی اللہ علیہ وسلم نے ارشاد فرمایا : اس کو خرید کر آزاد کردو، ولاء اس کو ملتی ہے جو آزاد کرے۔