مصنف ابن ابي شيبه

بدیل العقیلی حضرت ابن سیرین کے پاس آئے اور ان کے ساتھ ایک شخص تھا، اور عرض کی کہ یہ شخص بیع صرف کے بارے میں پوچھ رہا ہے ؟ آپ نے فرمایا : آپ صلی اللہ علیہ وسلم ، حضرت ابوبکر ، حضرت عمر اور حضرت عثمان رضی اللہ عنہ نے اس سے منع فرمایا ہے۔

حضرت سعید بن المسیب فرماتے ہیں کہ حضرت علی رضی اللہ عنہ اور حضرت عثمان رضی اللہ عنہ نے بیع صرف سے منع فرمایا ہے۔

حضرت ابو امامہ فرماتے ہیں کہ صرف بھی سود ہی ہے۔

حضرت علی رضی اللہ عنہ سے صرف کے متعلق دریافت کیا گیا ؟ فرمایا یہ ربا القرض ہے۔

حضرت ابوالعالیہ فرماتے ہیں کہ اگر میں بیع صرف کرنے والے کے گھر کے پاس سے گذروں اور مجھے پیاس لگی ہو تو پھر میں اس سے پانی طلب نہ کروں گا۔