مصنف ابن ابي شيبه

حضرت عمر رضی اللہ عنہاپنی زمین کرایہ پر دیتے وقت یہ شرط لگاتے تھے کہ گوبر اور پاخانے سے اس میں کھاد نہیں ڈالی جائے گی۔

حضرت ابن عمر رضی اللہ عنہما جب زمین کرایہ پر دیتے تو کرایہ دار پر شرط لگا دیتے کہ وہ گوبر اور پاخانے سے کھاد نہیں ڈالے گا۔

حضرت عبد اللہ بن دینار فرماتے ہیں کہ ایک شخص اپنی زمین کی کاشت گوبر سے کرتا تھا، حضرت عمر رضی اللہ عنہ نے اس سے فرمایا : کیا تو لوگوں کو وہ کھلاتا ہے جو ان میں سے نکلتا ہے (پاخانہ مراد ہے) ؟

حضرت ابن عباس رضی اللہ عنہما گوبر وغیرہ سے زمین میں کھاد ڈالنے کو ناپسند فرماتے تھے۔

حضرت ابو جعفر رحمہ اللہ بھی ناپسند فرماتے تھے۔