مصنف ابن ابي شيبه

حضرت عطاء فرماتے ہیں کہ مدبر غلام کی خدمت کی بیع مت کرو ، مگر اپنے لئے۔ ( آقا خود خرید سکتا ہے۔ )

حضرت سعید بن المسیب فرماتے ہیں مدبر غلام کی خدمت کی بیع میں کوئی حرج نہیں ہے اور حضرت زہری بھی یہی فرماتے تھے۔

حضرت ابن سیرین فرماتے ہیں کہ مدبر غلام کی خدمت کو فروخت کرنے میں کوئی حرج نہیں ہے، جبکہ اپنے لئے فروخت کرے۔

یونس سے مروی ہے کہ دو آدمیوں کا ایک غلام تھا، انہوں نے اس کو اس شرط پر آزاد کیا کہ وہ ان کی خدمت کرے گا جب تک زندہ رہیں، پھر ان میں ایک نے اپنے ساتھی کا حصہ خرید لیا، پھر حضرت ابن سیرین سے اس کے متعلق دریافت کیا گیا آپ نے اس میں کوئی حرج نہ سمجھا۔

حضرت ابو جعفر سے مروی ہے کہ آنحضرت صلی اللہ علیہ وسلم نے مدبر غلام کی خدمت کو فروخت فرمایا۔