مصنف ابن ابي شيبه

ابراہیم رحمہ اللہ فرماتے ہیں کہ مسلمانوں میں عدل یہ ہے کہ اس پر ظاہر و باطن میں طعن نہ ہو۔

حضرت عامر رحمہ اللہ فرماتے ہیں کہ جب تک آدمی پر حَدْ نہ لگی ہو یا اس کے دین میں کوئی عیب نہ معلوم ہو اس کی گواہی دینا ٹھیک ہے۔

حسن رحمہ اللہ نمازی آدمی کی گواہی کو جائز سمجھتے تھے۔ الاّ یہ کہ اس کا خصم کوئی ایسی علت لے آئے جس سے عدالت میں پر جرح ہوسکتی ہو۔

حضرت عمر رضی اللہ عنہ نے ایک دوسرے شخص کے متعلق دریافت کیا ؟ اس نے کہا کہ میں نے تو خیر ہی دیکھی ہے، حضرت عمر رضی اللہ عنہ نے ارشاد فرمایا یہی تعدیل تمہارے لئے کافی ہے۔

حضرت شریح رحمہ اللہ فرماتے ہیں کہ پہلے دعویٰ کرو پھر اس میں زیادتی کرو اور خوب زیادتی طلب کرو، اور پھر اس پر عادل گواہ قائم کرو، بیشک ہمیں عدل کے ساتھ فیصلہ کرنے کا حکم دیا گیا ہے، اور آپ ان سے سوال کریں، اگر وہ لوگ کہیں کہ اللہ اعلم، تو اللہ زیادہ جاننے والا ہے، اور وہ اگر الگ الگ ہو کر یوں کہیں کہ وہ شکِّی ہے ( شک میں ہے ) تو شک والے کی گواہی معتبر نہیں، اور اگر وہ کہیں کہ : ہمیں نہیں معلوم اس کے بارے میں مگر یہ عادل اور مسلمان ہے تو پھر وہ ان شاء اللہ اسی طرح ہے اور اس کی گواہی معتبر ہے۔