مصنف ابن ابي شيبه

حسن رحمہ اللہ اس شخص کے متعلق فرماتے ہیں جو اپنا غلام ایک سال کے لئے اجرت پردے دے پھر وہ دورانِ سال اس غلام کو فروخت کرنے کا ارادہ کرے ، فرمایا اگر وہ چاہے تو اس کو فروخت کرسکتا ہے۔

حضرت ایاس بن معاویہ اس شخص کے متعلق فرماتے ہیں جو اپنا غلام دوسرے شخص کے پاس بھیجے تاکہ وہ اس کو تعلیم دے، پھر وہ شرط مکمل ہونے سے قبل ہی اس کو وہاں سے نکال لے، تو جو کچھ معلّم نے اس غلام پر خرچ کیا ہے وہ اس کو لوٹایا جائے گا۔

حضرت حکم سے ایک شخص نے دریافت کیا کہ ایک آدمی نے اپنا غلام ایک سال کے لئے اجرت پر دیا ہوا ہے پھر وہ اس کو اس سے نکالنے کا ارادہ کرتا ہے تو ایسا کرنا کیسا ہے ؟ آپ رحمہ اللہ نے فرمایا کہ اس کو واپس نکالنے کی ( اس سے لینے کی ) اجازت نہیں ہے۔ پھر میں نے حضرت حماد سے اس کے متعلق دریافت کیا ؟ آپ رحمہ اللہ نے فرمایا کہ اس سے نہ لے مگر نقصان سے خلاصی پانے کے لئے۔

حضرت شریح رحمہ اللہ اور حضرت مسروق رحمہ اللہ فرماتے ہیں کہ اگر کوئی شخص اپنا غلام ایک سال، یا ایک مہینے کے لئے یا کچھ مدت کے لئے کرایہ پردے پھر وہ اس سے غلام واپس لینے کا ارادہ رکھتا ہوں تو وہ واپس لے سکتا ہے۔