مصنف ابن ابي شيبه

ابراہیم سے سوال کیا گیا کہ اگر کوئی شخص اپنی باندی کو بیچے یا آزاد کرے اور اس کے حمل کو مستثنیٰ کردے تو کیا حکم ہے ؟ آپ نے فرمایا کہ اگر حمل کی خلقت ظاہرہوچ کی ہوتواستثناء درست ہے اور اگر اس کی خلقت ظاہر نہیں ہوئی تو استثناء درست نہیں۔

حسن بیع میں استثناء کو درست قرار دیتے تھے لیکن آزادی میں نہیں۔

محمد فرماتے ہیں کہ اگر کوئی شخص باندی کو فروخت کرے اور اس کے حمل کو مستثنیٰ کردے تو درست ہے۔

حضرت زہری فرماتے ہیں کہ وہ دونوں آزادہوں گے۔

حضرت عطاء ، حضرت شعبی اور ابراہیم فرماتے ہیں کہ اگر باندی کو آزاد کیا اور اس کے حمل کو مستثنیٰ کردیا تو استثناء درست ہے۔

حضرت شعبہ کہتے ہیں کہ میں نے حضرت حکم اور حضرت حماد سے سوال کیا کہ اگر کوئی شخص اپنی باندی کو بیچے یا آزاد کرے اور اس کے حمل کو مستثنیٰ کردے تو کیا حکم ہے ؟ انہوں نے فرمایا کہ وہ ایسا کرسکتا ہے۔

حضرت ابن عمر رضی اللہ عنہما فرماتے ہیں کہ اگر کوئی شخص باندی کو فروخت کرے اور اس کے حمل کو مستثنیٰ کردے تو درست ہے۔