مصنف ابن ابي شيبه

ابراہیم رحمہ اللہ فرماتے ہیں کہ اگر کسی شخص نے اپنی بیوی سے ایلاء کیا پھر اسے طلاق دے دی یا طلاق دی پھر ایلاء کیا تو طلاق ایلاء کو ختم کردے گی۔

حضرت شعبی رحمہ اللہ فرماتے ہیں کہ طلاق اور ایلاء دوڑ کے دو گھوڑوں کی طرح ہیں، جو پہلے ہو اسی کا اعتبارہوگا اور اگر دونوں اکٹھے ہوں تو دونوں کا اعتبار ہوگا۔

حسن رحمہ اللہ بھی حضرت شعبی رحمہ اللہ والی بات فرمایا کرتے تھے۔

حضرت شعبی رحمہ اللہ فرماتے ہیں کہ اگر کسی شخص نے اپنی بیوی سے ایلاء کیا پھرا سے طلاق دے دی، اگر تین حیض آنے سے پہلے چا ر مہینے گذر گئے تو وہ عورت بائنہ ہوگئی۔

ابراہیم رحمہ اللہ فرماتے ہیں کہ طلاق ایلاء کو ختم کردیتی ہے۔

ابراہیم رحمہ اللہ فرماتے ہیں کہ طلاق ایلاء کو ختم کردیتی ہے۔

حضرت عبد اللہ رحمہ اللہ فرماتے ہیں کہ طلاق ایلاء کو ختم کردیتی ہے، حضرت علی رضی اللہ عنہ فرماتے ہیں کہ یہ دونوں دوڑ کے دو گھوڑوں کی طرح ہیں۔