مصنف ابن ابي شيبه

ابراہیم فرماتے ہیں کہ محرم خاتون شلوار اور موزے پہنے گی۔

حضرت عطاء سے دریافت کیا گیا کہ محرم خاتون شلوار پہن سکتی ہے ؟ آپ نے فرمایا ہاں۔

حضرت ابن عمر رضی اللہ عنہما فرماتے ہیں کہ کوئی حر ج نہیں کہ محرم خاتون شلوار اور موزے پہن لے۔

حضرت ابن عباس رضی اللہ عنہما ارشاد فرماتے ہیں کہ محرمہ خاتون شلوار پہنے گی۔

حضرت قاسم فرماتے ہیں محرمہ خاتون موزے، شلوار اور دستانے پہنے گی اور اپنے سارے چہرے کو چھپائے گی۔

حسن اور حضرت عطاء فرماتے ہیں کہ محرمہ خاتون شلوار پہنے گی۔

حضرت ابن عمر رضی اللہ عنہما محرمہ خاتون کو رخصت دیتے تھے کہ وہ شلوار اور موزے پہن لے، اور فرماتے کہ حضرت صفیہ حالت احرام میں ٹخنوں تک موزے پہنا کرتیں تھیں۔

حسن اس میں کوئی حرج نہیں سمجھتے تھے کہ محرمہ خاتون لمبے موزے پہن لے۔