مصنف ابن ابي شيبه

حضرت عروہ فرماتے ہیں کہ سنت طریقہ یہ ہے کہ صفا پر چڑھے یہاں تک کہ بیت اللہ نظر آنے لگے تو اس کی طرف رخ کر کے کھڑا ہوجائے۔

حضرت ضحاک فرماتے ہیں کہ صفا پر چڑھا جائے گا یہاں تک کہ بیت اللہ کی طرف رخ کیا جائے گا۔

حضرت ابن عمر رضی اللہ عنہما جب کوہ صفا پر چڑھتے تو بیت اللہ کی طرف رخ کر کے تین بار یہ دعا پڑھتے، لاَ إلَہَ إِلاَّ اللَّہُ وَحْدَہُ لاَ شَرِیکَ لَہُ ، لَہُ الْمُلْکُ وَلَہُ الْحَمْدُ وَہُوَ عَلَی کُلِّ شَیْئٍ قَدِیرٌ یہ پڑھتے وقت آواز بلند کرلیتے پھر اس کے بعد لمبی دعا مانگتے۔

ابراہیم فرماتے ہیں کہ جب کوہ صفا پر چڑھو تو ایس جگہ پر کھڑے ہو جہاں سے بیت اللہ نظر آئے۔

حضرت جابر سے مروی ہے کہ نبی کریم صلی اللہ علیہ وآلہ وسلم صفا پر چڑھے یہاں تک کہ بیت اللہ نظر آنے لگا۔

حضرت طاؤس کوہ صفا پر اس مقام پر کھڑے ہوتے جہاں سے بیت اللہ نظر آتا۔

حضرت سالم کوہ صفا پر چڑھے اس مقام پر جہاں سے بیت اللہ سامنے نظر آ رہا تھا۔