مصنف ابن ابي شيبه

ابراہیم فرماتے ہیں کہ میں حضرت علقمہ کے ساتھ مکہ جانے کے لیے نکلا وہ مکہ مکرمہ بغیر غسل کے داخل ہوئے۔

حسن فرماتے ہیں کہ محرم اگر چاہے تو غسل کرلے اور اگر چاہے تو غسل نہ کرے۔

حضرت ابو صالح احرام باندھتے وقت غسل کرتے اور دو رکعتیں ادا فرماتے ۔

ابراہیم فرماتے ہیں کہ صحابہ کرام جب احرام باندھنے کا ارادہ فرماتے تو غسل کرتے۔

حضرت عطاء احرام باندھتے اور مکہ مکرمہ میں داخل ہوتے وقت غسل کرنے کو پسند فرماتے ۔

ابراہیم فرماتے ہیں کہ صحابہ کرام احرام باندھنے کا ارادہ فرماتے تو غسل کرنا پسند فرماتے ۔

حضرت ابن عمر رضی اللہ عنہما نے فتنہ والے سال اپنی قمیص مبارک اتار دی پھر تلبیہ پڑھا اور غسل نہیں فرمایا۔

حضرت ابن عمر رضی اللہ عنہما فرماتے ہیں کہ جب احرام باندھنے کا ارادہ کرے تو غسل کرنا سنت میں سے ہے۔

حضرت سعید بن جبیر فرماتے ہیں کہ جب احرام باندھو تو غسل کرو۔

حضرت طاؤس احرام باندھتے وقت غسل نہ چھوڑتے اور اس کا حکم فرماتے ۔

حضرت ابن جریج فرماتے ہیں کہ میں نے حضرت نافع سے دریافت کیا کہ حضرت ابن عمر رضی اللہ عنہما احرام باندھتے وقت غسل فرماتے ؟ آپ نے فرمایا کہ کبھی غسل فرماتے اور کبھی وضو فرماتے ۔