مصنف ابن ابي شيبه

حضرت ابن حرملہ فرماتے ہیں کہ میں نے حضرت ابو سعید سے کہا کہ میں نے حالت احرام میں چچڑی یا ٹڈی کو مار ڈالا ہے، حضرت ابو سعید نے مجھ سے فرمایا کہ کھجور صدقہ کر دے، کھجور اس سے بہتر ہے۔

حضرت قاسم نے ایک شخص سے دریافت کیا کہ محرم اگر چچڑی کو مار ڈالے ؟ اس نے فرمایا کھجور بلکہ نصف کھجور چچڑی سے بہتر ہے، بلکہ گٹھلی بھی چچڑی سے بہتر ہے۔

حضرت شعبی فرماتے ہیں کہ محرم اگر چچڑی کو مار ڈالے تو وہ گندم، آٹا یا کھجور میں سے ایک مٹھی صدقہ کر دے۔

حضرت عکرمہ سے دریافت کیا گیا کہ محرم اگر بڑی چچڑی کو مار ڈالے ؟ فرمایا کہ روٹی کا ٹکڑا صدقہ کر دے۔