مصنف ابن ابي شيبه

حضرت سعید بن جبیر اور حضرت عطاء مسجد حرام میں نماز پڑھتے اور حج کے لیے تلبیہ پڑھتے جب مسجد سے نکلتے اور طواف کو مؤخر کردیتے۔

حضرت عبد اللہ بن المؤمل فرماتے ہیں کہ میں نے حضرت ابن ابی ملیکہ کو دیکھا کہ آپ نے منیٰ جانے سے پہلے بیت اللہ کا طواف کیا اور صفا ومروہ کی سعی کی۔

حضرت ابو سفیان فرماتے ہیں کہ میں نے حضرت سالم سے دریافت کیا کہ کوئی شخص حج کا احرام باندھے تو وہ نکلنے سے پہلے طواف کرے یا لوٹ کر آنے کے بعد کرے ؟ آپ نے فرمایا کہ طواف قرض کی طرح ہے اس میں جتنی جلدی کی جائے اتنا اچھا ہے۔

حضرت محمد بن عبد اللہ فرماتے ہیں کہ میں نے حضرت قاسم بن محمد سے اس کے متعلق دریافت کیا ؟ آپ نے فرمایا کہ ان میں سے ہر ایک بہتر اور اچھا ہے۔