مصنف ابن ابي شيبه

حضرت سعید بن جبیر فرماتے ہیں کہ مزدلفہ کے دو پہاڑوں کے درمیان والی جگہ مشعر حرام ہے۔

حضرت عبد الرحمن بن الاسود فرماتے ہیں کہ میں نے کسی ایسے شخص کو نہیں پایا جس نے مجھے مشعر حرام کے متعلق بتلایا ہو۔

حضرت عمرو بن میمون فرماتے ہیں کہ میں نے حضرت عبد اللہ بن عمرو رضی اللہ عنہ سے مشعر حرام کے متعلق دریافت کیا ؟ آپ خاموش رہے، جب ہماری سواریاں مزدلفہ میں اترنے لگیں تو فرمایا کہ مشعر حرام کے متعلق سوال کرنے والا شخص کہاں ہے ؟ یہ مشعر حرام ہے۔

حضرت عطاء فرماتے ہیں کہ اللہ کا ارشاد المشعر الحرام سے مراد تمام کا تمام مزدلفہ ہے۔