مصنف ابن ابي شيبه

حضرت سعید بن جبیر حلق کرنے والوں کو فرماتے کہ حلق کو دونوں ہڈیوں تک پہنچاؤ۔

حضرت ابن عمر رضی اللہ عنہما حلق کرنے والوں کو فرماتے کہ جب حج وعمرہ میں حلق کرو تو دونوں ہڈیوں تک حلق کرو۔

حضرت ابن عباس رضی اللہ عنہما حلق کرنے والوں کو فرماتے تھے کہ دائیں جانب سے حلق شروع کرو اور دونوں ہڈیوں تک حلق کرو۔

حضرت علی رضی اللہ عنہالازدی فرماتے ہیں کہ حضرت ابن عمر رضی اللہ عنہما نے قربانی کی اور سر کا حلق کروایا، میں نے سنا وہ حلق کرنے والوں سے فرما رہے تھے کہ حلق دو ہڈیوں تک کرو، حضرت ابن جریج کہتے ہیں کہ میں نے حضرت عطاء سے پوچھا کہ آپ نے خود ان سے سنا ہے کہ وہ حلق والوں کو یہ کہہ رہے ہیں ؟ آپ نے فرمایا کہ میں نے لوگوں سے سنا ہے وہ اس کا ذکر کرتے ہیں لیکن میں نے خود ان سے نہیں سنا۔

حضرت ابو جعفر فرماتے ہیں کہ ہڈیوں تک حلق کرو۔

حضرت عطاء فرماتے ہیں کہ سنت طریقہ یہ ہے کہ حلق دونوں ہڈیوں تک ہو۔