مصنف ابن ابي شيبه

حضرت ابن عباس رضی اللہ عنہما ارشاد فرماتے ہیں کہ اگر تیرے میں اتنی طاقت ہے کہ تو حالت احرام میں اس کے قریب نہیں جائے گا تو پھر (اس کو اٹھانے میں کوئی حرج نہیں) ۔

حضرت طاؤس اس سے بہت زیادہ الگ اور دور رہنے کا حکم فرماتے ۔

حضرت حبیب بن ابو مرزوق سے حضرت نافع نے دریافت فرمایا : آپ نے فرمایا کہ اس میں کوئی حرج نہیں۔

حضرت سعید بن المسیب اس شخص کے متعلق فرماتے ہیں کہ جو حالت احرام میں اپنی بیوی کو اٹھائے، فرماتے ہیں کہ اس کو اٹھا مگر اللہ سے ڈر (کوئی غلط حرکت مت کرنا) ۔

حضرت سعید بن المسیب سے اسی طرح مروی ہے۔

حضرت عامر اور حضرت عطاء فرماتے ہیں کہ اس کو اٹھانے میں کوئی حرج نہیں ہے جب تک کہ تو اس کو نہ چھوئے۔

حضرت عامر اور حضرت عطاء فرماتے ہیں کہ کوئی حرج نہیں ہے کہ محرم اپنی بیوی کو اٹھائے جب تک کہ وہ اپنی جلد کو اس کی جلد کے ساتھ نہ ملائے۔