مصنف ابن ابي شيبه

حضرت ابن عباس رضی اللہ عنہما اور حضرت علی رضی اللہ عنہ بن حسین (طواف میں) رمل نہیں کیا کرتے تھے۔

حضرت ابو جعفر ارشاد فرماتے ہیں کہ (طواف کرنے والا) اگر چاہے تو رمل کرلے وگرنہ نہ کرے، اور حضرت عطاء ارشاد فرماتے ہیں کہ اس میں گنجائش رکھی گئی ہے اگر چاہے تو رمل کرے وگرنہ نہ کرے لیکن میرے نزدیک رمل کرنا زیادہ پسندیدہ ہے۔

حضرت عطاء سے دریافت کیا گیا کہ اگر کوئی شخص طواف میں رمل کرنا بھول جائے ؟ آپ نے فرمایا اس پر کچھ نہیں ہے۔

حضرت ابن عمر رضی اللہ عنہما جب مکہ مکرمہ سے احرام باندھتے تو رمل نہ فرماتے ۔