مصنف ابن ابي شيبه

حضرت عمر بن ذر فرماتے ہیں کہ میں نے حضرت مجاہد اور حضرت عطاء سے دریافت کیا کہ اگر محرم وضو کرے اور داڑھی کو خلال کرنے کی وجہ سے اس کے کچھ بال گرجائیں تو آپ دونوں نے فرمایا : اس پر کچھ بھی نہیں ہے۔

حضرت سالم سے دریافت کیا گیا کہ محرم اپنی داڑھی کو چھوئے اور اس کی وجہ سے اس کی داڑھی کے بال گرجائیں ؟ آپ نے فرمایا اُفْ اُفْ ، (اس طرح کے سوال کرنے کو ناپسند فرمایا) ۔

حضرت محمد بن علی رضی اللہ عنہ اور حضرت ابن اسود سے دریافت کیا گیا کہ محرم وضو کرے اور وضو میں داڑھی کا خلال کرے جس کی وجہ سے اس کی داڑھی کے کچھ بال گرجائیں ؟ آپ نے فرمایا اس پر کچھ نہیں ہے۔