مصنف ابن ابي شيبه

حضرت سعید بن جبیر سے مروی ہے کہ نبی کریم صلی اللہ علیہ وآلہ وسلم نے صفا ومروہ کی سعی سوار ہو کر فرمائی۔

حضرت ابو ادریس فرماتے ہیں کہ میں نے حضرت عائشہ رضی اللہ عنہا کو خچر پر سوار ہو کر صفا ومروہ کی سعی فرماتے ہوئے دیکھا۔

حضرت احوص فرماتے ہیں کہ میں نے حضرت انس کو گدھے پر سوار ہو کر صفا مروہ کی سعی کرتے ہوئے دیکھا۔

حضرت ربیع بن سعد فرماتے ہیں کہ میں نے حضرت ابو جعفر سے صفا ومروہ کی سعی کے متعلق دریافت فرمایا ؟ آپ نے فرمایا کہ رسول اللہ صلی اللہ علیہ وآلہ وسلم نے سوار ہو کر سعی کی اور میں نے بھی سوار ہو کر کی تھی، پھر میں نے اور انہوں نے سوار ہو کر سعی کی۔

حسن اور حضرت عطاء مردوں اور عورتوں کے لیے بغیر عذر کے صفا ومروہ کی سعی سوار ہو کر کرنے کو ناپسند کرتے تھے۔

حضرت خارجہ بن حارث فرماتے ہیں کہ میں نے حضرت عراک بن مالک کو دراز گوش پر سوار صفا ومروہ کی سعی کرتے ہوئے دیکھا۔

حضرت یزید الشیبانی فرماتے ہیں کہ میں نے حضرت مجاہد اور حضرت عطا کو سواریوں پر سوار صفا ومروہ کی سعی کرتے ہوئے دیکھا۔

حضرت ہشام فرماتے ہیں کہ میرے والد محترم اگر کسی کو صفا مروہ کی سعی سوار ہو کر کرتے ہوئے دیکھتے تو فرماتے : تحقیق یہ لوگ نقصان اور خسارے میں ہوئے۔

حضرت طاؤس ضرورت کے بغیر صفا ومروہ کی سعی سوار ہو کر کرنے کو ناپسند فرماتے تھے۔