مصنف ابن ابي شيبه

حضرت ابن عمر رضی اللہ عنہما فرماتے ہیں کہ قسم یمین ہے۔

حضرت مجاہد فرماتے ہیں کہ قسم یمین ہے پھر آپ نے یہ آیت تلاوت فرمائی، { وَاَقْسَمُوْا بِاللّٰہِ جَھْدَ اَیْمَانِھِمْ }۔

ابراہیم فرماتے ہیں کہ اَقْسَمْتُ میں نے قسم اٹھائی یہ یمین ہے۔

حضرت ابو البختری فرماتے ہیں کہ ایک شخص نے قسم اٹھائی کہ بیوی کی بکری کا دودھ نہیں پیؤں گا، حضرت عبد اللہ نے فرمایا : اس کے نفس کے لیے پسندیدہ یہ ہے کہ وہ اپنی قسم کا کفارہ ادا کرے۔

ابراہیم فرماتے ہیں کہ کوئی شخص کسی شخص سے قسم اٹھوائے اور پھر اس قسم توڑوا دے، تو فرمایا میں پسند کرتا ہوں کہ اس کی قسم کا کفارہ ادا کر دے۔

حضرت ابو المنھال فرماتے ہیں کہ کوئی شخص اگر کسی کو قسم اٹھوائے اور پھر اس کو حانث کروائے، حضرت ابو العالیہ فرماتے ہیں کہ اپنی قسم کا کفارہ ادا کر۔

حسن فرماتے ہیں کہ جب کوئی شخص غیر پر قسم اٹھوائے اور پھر اس نے اس حالف کو حانث کردیا تو اس پر کفارہ نہیں، مگر یہ کہ وہ خود قسم اٹھائے، پھر جب وہ قسم اٹھائے اور حانث ہوجائے تو اس پر کفارہ ہے۔

حضرت حکم فرماتے ہیں کہ قسم یمین ہے۔

حضرت ابن عباس رضی اللہ عنہما فرماتے ہیں کہ قسم یمین ہے۔

حضرت بکر فرماتے ہیں کہ جب کوئی شخص کسی کو قسم دلوائے پھر اس کو حانث کروا دے تو گناہ اس کو ہوگا جس نے حانث کروایا، کیونکہ جب اس نے اس پر قم دلوائی تو اس پر اعتماد کیا۔

حضرت علقمہ فرماتے ہیں کہ قسم یمین ہے۔