مصنف ابن ابي شيبه

حضرت عائشہ رضی اللہ عنہا اور حضرت عبد اللہ بن عباس رضی اللہ عنہما فرماتے ہیں کہ حضرت ابوبکر صدیق نے نبی کریم صلی اللہ علیہ وآلہ وسلم کی وفات کے بعد آپ کو بوسہ دیا۔

حضرت عائشہ رضی اللہ عنہا فرماتی ہیں کہ نبی کریم صلی اللہ علیہ وآلہ وسلم نے حضرت عثمان بن مظعون کو وفات کے بعد بوسہ دیا، میں نے دیکھا آپ صلی اللہ علیہ وآلہ وسلم کے آنسو آپ کے رخسار مبارک پر بہہ رہے تھے۔

حضرت عائشہ رضی اللہ عنہا فرماتی ہیں کہ حضرت ابوبکر صدیق نے نبی کریم صلی اللہ علیہ وآلہ وسلم کی وفات کے بعد آپ کو بوسہ دیا۔

حضرت عبد اللہ البھی فرماتے ہیں کہ حضرت ابوبکر صدیق آپ صلی اللہ علیہ وآلہ وسلم کی وفات کے بعد تشریف لائے آپ صلی اللہ علیہ وآلہ وسلم کے چہرے سے کپڑا ہٹایا اور آپ صلی اللہ علیہ وآلہ وسلم پر جھکے اور آپ کو بوسہ دیا اور پھر فرمایا : میرے ماں باپ آپ صلی اللہ علیہ وآلہ وسلم پر قربان، آپ صلی اللہ علیہ وآلہ وسلم کی زندگی بھی کتنی پاکیزہ تھی اور موت بھی کتنی پاکیزہ ہے۔

حضرت عاصم بن بہدلہ فرماتے ہیں کہ جب حضرت ابو وائل کا انتقال ہوا تو حضرت ابو بردہ نے آپ کی پیشانی کا بوسہ لیا۔