مصنف ابن ابي شيبه

حضرت نافع فرماتے ہیں کہ حضرت عبد اللہ بن عمر رضی اللہ عنہما جنازے کی ہر تکبیر میں ہاتھ اٹھاتے تھے۔

حضرت ابن جریج فرماتے ہیں کہ حضرت عطاء نماز جنازہ کی ہر تکبیر میں رفع یدین فرماتے ، اور جو ان کے پیچھے (مقتدی) تھے وہ بھی رفع یدین کرتے۔

حضرت موسیٰ بن نعیم جو کہ حضرت زید بن ثابت کے غلام تھے، فرماتے ہیں سنت میں سے ہے کہ نماز جنازہ کی ہر تکبیر میں رفع یدین کیا جائے۔

حضرت خالد بن ابوبکر فرماتے ہیں کہ میں نے حضرت سالم کو دیکھا کہ آپ نے جنازے پر چار تکبیرات پڑھیں اور ہر تکبیر میں پر ہاتھ اٹھا رہے تھے۔

حضرت عمر بن ابی زائدہ فرماتے ہیں کہ میں نے حضرت قیس بن ابی حازم کے پیچھے نماز پڑھی، آپ نے ہر تکبیر میں رفع یدین کیا۔

حضرت امام زہری فرماتے ہیں کہ میں نے ابراہیم کو دیکھا جب آپ نماز جنازہ پڑھتے تو پہلی تکبیر میں رفع یدین کرتے پھر باقی تکبیرات میں رفع یدین نہ کرتے، اور وہ چار تکبیرات کہتے تھے۔

حضرت سفیان فرماتے ہیں کہ حضرت حسن بن عبیداللہ نماز جنازہ کی صرف پہلی تکبیر میں رفع یدین کرتے۔

حضرت نافع فرماتے ہیں کہ حضرت عبد اللہ بن عمر رضی اللہ عنہما نماز جنازہ کی ہر تکبیر میں رفع یدین فرماتے ۔

حضرت ابن عون سے مروی ہے کہ محمد نماز میں رفع یدین فرماتے ، جب رکوع کرتے اور جب رکوع سے سر اٹھاتے (تو رفع یدین فرماتے ) اور وہ نماز جنازہ کی بھی ہر تکبیر میں رفع یدین فرماتے ۔

حضرت نفاعہ بن مسلم فرماتے ہیں کہ حضرت سوید ھماری نماز جنازہ پڑھاتے، آپ صرف پہلی تکبیر میں رفع یدین فرماتے ۔