مصنف ابن ابي شيبه

حضرت علی رضی اللہ عنہ کرم اللہ وجہہ ارشاد فرماتے ہیں کہ امام زیادہ حقدار ہے جو نماز پڑھائے کسی جنازے کی۔

حضرت منصور فرماتے ہیں کہ میں ابراہیم کے ساتھ ایک جنازے پر گیا جس کے والی ابراہیم (خود) تھے۔ آپ نے محلہ کے امام کی طرف پیغام بھیجا تو اس نے اس کی نماز جنازہ پڑھائی۔

حضرت غنام بن طلق فرماتے ہیں حضرت ابو بردہ اپنے غلام کے جنازے پر حاضر ہوئے آپ نے محلہ کے امام کو حکم فرمایا کہ وہ آگے بڑھ کر نماز جنازہ پڑھائیں۔

حضرت محمد بن السائب فرماتے ہیں کہ ابراہیم تیمی کے صاحبزادے وفات پا گئے تو ان کے جنازے پر ابراہیم نخعی حاضر ہوئے۔ ابراہیم نخعی نے بنو تیم کے امام کو حکم فرمایا کہ وہ اس کی نماز جنازہ پڑھائے، اور پھر ارشاد فرمایا : یہی سنت طریقہ ہے۔

حضرت مسلم فرماتے ہیں کہ میں نے حضرت عبد الرحمن بن ابی لیلیٰ کو دیکھا آپ نے اپنی والدہ کی نمازجنازہ پڑھانے کے لیے حضرت عبد اللہ بن حکیم کو مقدم فرمایا۔ وہ ان کے محلہ کے امام تھے۔

حضرت سوید بن غفلہ ارشاد فرماتے ہیں امام (محلہ) جنازہ پڑھانے کا زیادہ حقدار ہے۔

حضرت جریر ارشاد فرماتے ہیں کہ امام (محلہ) کو جنازے کے لیے مقدم کریں گے۔

حضرت اسود ارشاد فرماتے ہیں کہ جنازوں پر مقدم امام (محلہ) ہوں گے۔ سنت کی وجہ سے (سنت طریقہ یہی ہے) ۔

ابراہیم فرماتے ہیں کہ میں حضرت اسود کو جنازہ کی نماز کے لیے مقدم کیا، (کیونکہ) وہ ان کے امام (محلہ) تھے۔

حضرت حسن بن عمرو سے مروی ہے کہ حضرت ابو معشر کے بیٹے وفات پا گئے تو اس وقت امام حاضر نہ تھے، فرمایا جو شخص امام کی عدم موجودگی میں نماز پڑھایا کرتا ہے وہ آگے بڑھ کر جنازہ پڑھائے۔

حضرت سالم ، حضرت قاسم ، حضرت طاؤس ، حضرت مجاہد اور حضرت عطاء جنازے کی نماز کے لیے امام کو مقدم کرتے تھے۔

حضرت حفص بن عیاث اپنے چچا سے روایت کرتے ہیں کہ حضرت طلحہ اور حضرت زبیر اپنے قریبی خاتون کے جنازے پر حاضر ہوئے، دونوں حضرات نے محلہ کے امام کو جنازے کے لیے مقدم کیا۔

حضرت حماد ارشاد فرماتے ہیں کہ ولی جس کو چاہے جنازہ کی نماز کے لیے آگے کردے۔

حضرت عبد الرحمن بن اسود اور حضرت علقمہ ارشاد فرماتے ہیں کہ امام کو جنازہ کے لیے آگے کریں گے۔

حسن عبید اللہ فرماتے ہیں کہ حضرت علقمہ اپنے محلہ کے جنازوں کی نماز پڑھا کرتے تھے حالانکہ وہ امام نہ تھے۔