مصنف ابن ابي شيبه

ابراہیم فرماتے ہیں جب میت کو غسل دیا جائے تو اس کے آسمان کے درمیان سترہ بنایا جائے۔

حضرت ابن عون فرماتے ہیں کہ محمد میت کا ستر رکھتے تھے طاقت کے ساتھ (کوشش کے ساتھ) ۔

حسن فرماتے ہیں کہ آدمی کو کھلی جگہ میں غسل دینے میں کوئی حرج نہیں ہے۔ لیکن میت کو اس طرح غسل دینے کو ناپسند سمجھا گیا ہے۔

حضرت محمد بن علی رضی اللہ عنہ سے مروی ہے کہ حضرت علی رضی اللہ عنہ نے آپ صلی اللہ علیہ وآلہ وسلم کو قمیص میں غسل دیا۔

ایوب فرماتے ہیں کہ حضرت ابو قلابہ نے مجھ سے فرمایا : جس قدر ہو سکے میت کا ستر رکھو۔

حضرت عبد اللہ بن حارث سے مروی ہے کہ حضرت علی رضی اللہ عنہ نے آپ صلی اللہ علیہ وآلہ وسلم کو غسل دیا، آپ صلی اللہ علیہ وآلہ وسلم کے اوپر آپ کی قمیص تھی اور حضرت علی رضی اللہ عنہ کے ہاتھ میں کپڑے کا ایک ٹکڑا تھا اس کے ساتھ غسل دے رہے تھے، حضرت علی رضی اللہ عنہاپنا ہاتھ قمیص کے نیچے لے جا کر آپ کو غسل دے رہے تھے اس وقت بھی قمص، آپ کے جسم کے اوپر تھی۔

حضرت جعفر اپنے والد سے روایت کرتے ہیں کہ صحابہ کرام نے جب آپ کو غسل دینے کا ارادہ فرمایا تو اس وقت آپ صلی اللہ علیہ وآلہ وسلم کے جسم مبارک پر قمیص تھی۔ صحابہ کرام نے اس کو اتارنے کا ارادہ کیا تو گھر کے اندر سے (غیبی) آواز آئی کہ قمیص کو مت اتارو۔

حضرت ضحاک فرماتے ہیں کہ مجھے برہنہ کر کے غسل نہ دینا۔