مصنف ابن ابي شيبه

حضرت موسیٰ بن طلحہ فرماتے ہیں کہ صاع حجاجی حضرت عمربن خطاب کا صاع (کے مثل) تھا۔

ابراہیم سے مروی ہے کہ قفیز حجاجی ایک صاع تھا۔

حضرت مغیرہ فرماتے ہیں کہ کفارہ یمین، خریدو فروخت، ساٹھ مسکینوں کو کھانا کھلانا، عشر اور نصف عشر کی ادائیگی کے بارے میں ابراہیم کا فتویٰ قفیز حجاجی تھا جو کہ ایک صاع کا تھا۔

حسن فرماتے ہیں کہ حضرت عمر فاروق کا صاع آٹھ رطل کا تھا۔ حضرت شریک فرماتے ہیں کہ سات رطل سے زیادہ اور آٹھ سے کم تھا۔

حضرت ابو جحیفہ اپنے والد سے روایت کرتے ہیں کہ نبی کریم صلی اللہ علیہ وآلہ وسلم نے ہمارے پاس صدقات وصول کرنے والا بھیجا، انہوں نے ہمارے اغنیاء سے زکوٰۃ وصول کر کے ہمارے فقراء میں تقسیم کردیا۔ اس وقت میں ایک یتیم لڑکا تھا انہوں نے مجھے بھی ایک جوان اونٹنی عطا کی۔