مصنف ابن ابي شيبه

حضرت عکرمہ سے پوچھا گیا کہ کیا غلام پر زکوٰۃ ہے ؟ آپ نے (بطور تعجب کے) فرمایا کیا اس پر نماز فرض ہے ؟ (جب نماز فرض ہے تو زکوٰۃ بھی فرض ہے) ۔

حضرت طاؤس اپنے والد سے روایت کرتے ہیں کہ غلام کے مال پر زکوٰۃ ہے۔

حضرت جابر الحذائ فرماتے ہیں کہ میں نے حضرت عبد اللہ بن عمر رضی اللہ عنہما سے پوچھا کہ کیا غلام کے مال پر زکوٰۃ ہے ؟ آپ نے دریافت فرمایا : کیا وہ مسلمان ہے ؟ میں نے عرض کیا : جی ہاں، آپ نے ارشاد فرمایا : دو سو درہموں پر پانچ درہم زکوٰۃ واجب ہے۔