مصنف ابن ابي شيبه

حضرت علی رضی اللہ عنہارشاد فرماتے ہیں کہ دو سو دراہم سے کم میں زکوٰۃ نہیں ہے اور جو اس پر زائد ہو اس پر اسی حساب سے زکوٰۃ آئے گی۔

حضرت جابر الحذاء جو بنی مجاشع کے غلام تھے سے مروی ہے کہ حضرت ابن عمر رضی اللہ عنہما نے ارشاد فرمایا : دو سو سے زائد جتنے درھم ہوجائیں ان پر اسی حساب سے زکوٰۃ آئے گی۔

ابراہیم فرماتے ہیں کہ دو سو دراہم سے جتنے زائد ہوجائیں ان پر اسی حساب سے زکوٰۃ آئے گی۔

حضرت ابن سیرین فرماتے ہیں کہ : (دو سو سے زائد دراہم پر) اسی کے حساب سے زکوٰۃ آئے گی۔

حضرت عمر بن عبد العزیز فرماتے ہیں کہ دو سو سے زائد پر اسی حساب سے زکوٰۃ آئے گی۔