مصنف ابن ابي شيبه

داؤد فرماتے ہیں کہ امام شعبی دو سو دراہم سے زائد پر کچھ بھی واجب نہیں سمجھتے تھے یہاں تک کہ وہ چالیس تک پہنچ جائے۔

حسن فرماتے ہیں کہ حضرت عمر نے حضرت ابو موسیٰ اشعری کو لکھا تھا کہ : دو سو دراہم سے زائد ہوجائیں تو پھر ہر چالیس دراہم پر ایک درھم (زکوٰۃ) ہے۔

حسن فرماتے ہیں کہ دو سو دراہم سے زائد پر کچھ نہیں آئے گا یہاں تک کہ وہ چالیس ہوجائیں۔

حضرت مکحول فرماتے ہیں کہ دو سو دراہم سے زائد پر کچھ نہیں آئیگا یہاں تک کہ وہ زائد چالیس ہوجائیں۔

حضرت عطاء فرماتے ہیں کہ یہاں تک کہ دو سو سے زائد چالیس درہم ہوجائیں تو پھر اس پر چھ درہم (زکوٰۃ) ہے پھر کچھ نہیں ہے یہاں تک کہ ان کی تعداد دو سو اسی ہوجائیں تو ان پر سات درھم (زکوٰۃ) ہیں، پھر اسی طرح حساب کرتے جائیں۔