مصنف ابن ابي شيبه

حضرت اسود بن یزید فرماتے ہیں کہ حضرت عمر نے وتروں میں رکوع سے پہلے دعائے قنوت پڑھی۔

حضرت علی رضی اللہ عنہ وتروں میں رکوع کے بعد دعائے قنوت پڑھا کرتے تھے۔

حضرت ابو عبدا لرحمن فرماتے ہیں کہ حضرت علی رضی اللہ عنہ وتروں میں رکوع کے بعد دعائے قنوت پڑھا کرتے تھے۔

حضرت اسود فرماتے ہیں کہ حضرت عبد اللہ رکوع سے پہلے دعائے قنوت پڑھتے تھے۔

حضرت اسود فرماتے ہیں کہ حضرت ابن مسعود نمازوں میں سوائے وتر میں رکوع سے پہلے کے علاوہ کسی نماز میں دعائے قنوت نہیں پڑھتے تھے۔

حضرت عمر بن ذر کے والد کہتے ہیں کہ نبی صلی اللہ علیہ وآلہ وسلم وتروں میں رکوع سے پہلے دعائے قنوت پڑھا کرتے تھے۔

ابراہیم فرماتے ہیں کہ میں حضرت اسود کی تیمارداری کے لئے حاضر ہوا، وتروں کے دوران جب وہ قراءت سے فارغ ہوئے تو میرا خیال تھا کہ آپ رکوع میں جائیں گے، لیکن انہوں نے رکوع نہ کیا بلکہ دعائے قنوت پڑھ کر رکوع کیا۔

ابراہیم فرماتے ہیں کہ حضرت اسود وتروں میں رکوع سے پہلے دعائے قنوت پڑھا کرتے تھے۔

ابراہیم فرماتے ہیں کہ اسلاف فرمایا کرتے تھے کہ دعائے قنوت قراءت سے فارغ ہونے کے بعد پڑھی جائے گی۔

ابراہیم فرمایا کرتے تھے کہ وتروں میں دعائے قنوت رکوع سے فارغ ہونے سے پہلے پڑھی جائے گی۔

حضرت اسماعیل بن عبد الملک فرماتے ہیں کہ حضرت سعید بن جبیر وتروں میں رکوع سے پہلے دعائے قنوت پڑھا کرتے ہیں۔

حضرت علقمہ فرماتے ہیں کہ حضرت ابن مسعود اور رسول اللہ صلی اللہ علیہ وآلہ وسلم کے دوسرے صحابہ وتروں میں رکوع سے پہلے دعائے قنوت پڑھا کرتے تھے۔

حضرت عبد اللہ فرماتے ہیں کہ نبی صلی اللہ علیہ وآلہ وسلم وتروں میں رکوع سے پہلے دعائے قنوت پڑھا کرتے تھے۔ حضرت عبد اللہ فرماتے ہیں کہ میں نے اپنی والدہ ام عبد کو بھجای انہوں نے حضور صلی اللہ علیہ وآلہ وسلم کی ازواج کے پاس رات گذاری پھر انہوں نے مجھے بتایا کہ آپ حضور صلی اللہ علیہ وآلہ وسلم نے وتروں میں رکوع سے پہلے دعائے قنوت پڑھی ہے۔

حضرت عبداللہ فرماتے ہیں کہ نبی صلی اللہ علیہ وآلہ وسلم نے وتروں میں رکوع سے پہلے دعائے قنوت پڑھی۔