مصنف ابن ابي شيبه

حضرت ابو زعراء فرماتے ہیں کہ حضرت ابو الاحوص عصر سے پہلے دو رکعتیں نہیں پڑھتے تھے۔

حضرت ابن عون فرماتے ہیں کہ جب موذن عصر کی اذان دے دیتا تو حسن صرف عصر کے فرض پڑھا کرتے تھے۔

اسماعیل فرماتے ہیں کہ میں نے حضرت قیس کے ساتھ ظہر کی نماز پڑھی، نماز کے بعد وہ بیٹھ گئے اور عصر تک کوئی اور نماز نہ پڑھی۔

اسماعیل فرماتے ہیں کہ حضرت عامر سے عصر سے پہلے کی دو رکعتوں کے بارے میں سوال کیا گیا تو انہوں نے فرمایا کہ اگر تم سمجھتے ہو کہ جماعت کھڑی ہونے سے پہلے انہیں مکمل کرسکتے ہو تو کرلو۔

حضرت سعید بن جبیر عصر سے پہلے کوئی نماز نہ پڑھتے تھے۔