مصنف ابن ابي شيبه

حضرت ہلال بن یساف کہتے ہیں کہ زیاد بن ابی جعد نے میرا ہاتھ پکڑا اور مجھے رقہ میں ایک بوڑھے صاحب کے پاس لا کھڑا کیا جن کا نام وابصہ بن معبد تھا۔ انہوں نے فرمایا کہ ایک آدمی نے صف کے پیچھے اکیلے نماز پڑھی تو حضور صلی اللہ علیہ وآلہ وسلم نے اسے نماز لوٹانے کا حکم دیا۔

حضرت علی رضی اللہ عنہ بن شیبان فرماتے ہیں کہ ہم وفد کی صورت میں حضور صلی اللہ علیہ وآلہ وسلم کی خدمت میں حاضر ہوئے، ہم نے آپ کے دست اقدس پر بیعت کی اور آپ کے پیچھے نماز پڑھی۔ آپ صلی اللہ علیہ وآلہ وسلم نے ایک آدمی کو صف کے پیچھے اکیلے نماز پڑھتے دیکھا تو اس کے پاس کھڑے ہوگئے، جب وہ نماز سے فارغ ہوا تو آپ نے فرمایا کہ دوبارہ نماز پڑھو، کیونکہ جس شخص نے صف کے پیچھے نماز پڑھی اس کی نماز نہیں ہوئی۔

ابراہیم فرماتے ہیں کہ وہ دوبارہ نماز پڑھے گا۔

حضرت عطاء فرماتے ہیں کہ اکیلے مت کھڑے ہو۔

حضرت وابصہ بن معبد فرماتے ہیں کہ ایک آدمی نے صفوں کے پیچھے اکیلے نماز پڑھی تو حضور صلی اللہ علیہ وآلہ وسلم نے اسے نماز دھرانے کا حکم دیا۔