مصنف ابن ابي شيبه

حضرت عبداللہ فرماتے ہیں کہ وہ چار رکعات پڑھے۔

حضرت عبداللہ فرماتے ہیں کہ جس کی نماز عید فوت ہوجائے وہ چار رکعات پڑھے۔

حضرت شعبی فرماتے ہیں کہ وہ چار رکعات پڑھے۔

حضرت عطاء فرماتے ہیں کہ وہ دو رکعات پڑھے اور تکبیر کہے۔

حضرت انس عید کے دن اپنے گھر کی عورتوں اور خادمہ خواتین کو جمع کرتے اور عبد اللہ بن ابی عتبہ انہیں عید کی نماز پڑھاتے۔

حضرت حکم فرماتے ہیں کہ ابو عیاض چھپے ہوئے تھے، عید کے دن حضرت مجاہد ان کے پاس آئے اور انہیں دو رکعات نماز پڑھائی پھر دعا کی۔

حضرت ضحاک فرماتے ہیں کہ جو شخص کسی عذر کی وجہ سے عیدالفطر، عیدالاضحی یا جمعہ کی نماز نہ پڑھ سکے تو وہ چار رکعات پڑھ لے۔

حضرت ابن الحنفیہ کہتے ہیں کہ وہ دو رکعات پڑھے گا۔

حسن فرماتے ہیں کہ وہ امام کی نماز جیسی نماز پڑھے گا۔

ابراہیم فرماتے ہیں کہ جس کی نماز عید فوت ہوجائے وہ امام کی نماز جیسی نماز پڑھے۔ ابراہیم فرماتے ہیں کہ جب لوگ نماز پڑھ کر واپس آ رہے ہوں تو تم مسجد میں آ کر امام کی نماز ادا کرو اور جو شخص عید کی نماز کے لئے نہ جاسکے وہ بھی امام کی نماز جیسی نماز ادا کرے۔

حضرت حماد فرماتے ہیں کہ جو شخص عید کے دن امام کے ساتھ نماز نہ پڑھ سکے وہ امام کی طرح نماز پڑھے اور اس کی تکبیرات کی طرح تکبیرات کہے۔

حضرت شریک فرماتے ہیں کہ میں نے ابو اسحاق سے اس شخص کے بارے میں سوال کیا جو عید کے دن امام کے نماز سے فارغ ہونے کے بعد آئے تو فرمایا کہ وہ دو رکعات پڑھے۔

محمد فرماتے ہیں کہ جس شخص کی نماز عید فوت ہوجائے اس کے لیے مستحب ہے کہ وہ امام کی نماز جیسی نماز پڑھے اور جو قرائت امام نے کی ہے وہی قرائت کرے، اگر اسے امام کی قرائت کا علم ہوجائے۔