مصنف ابن ابي شيبه

ابراہیم فرماتے ہیں کہ اسلاف یوم عرفہ کو نماز کے بعد خانہ کعبہ کی طرف منہ کر کے یہ تکبیرات کہتے تھے : اللَّہُ أَکْبَرُ اللَّہُ أَکْبَرُ لاَ إِلَہَ إِلاَّ اللَّہُ ، وَاللَّہُ أَکْبَرُ اللَّہُ أَکْبَرُ وَلِلَّہِ الْحَمْدُ ۔

حضرت ابو الاحوص فرماتے ہیں کہ حضرت عبداللہ ایام تشریق میں یہ تکبیرات کہا کرتے تھے : اللَّہُ أَکْبَرُ اللَّہُ أَکْبَرُ لاَ إِلَہَ إِلاَّ اللَّہُ ، وَاللَّہُ أَکْبَرُ اللَّہُ أَکْبَرُ وَلِلَّہِ الْحَمْدُ ۔

حضرت اسود فرماتے ہیں کہ حضرت عبداللہ یوم عرفہ کی نماز فجر سے یوم نحر کی نماز عصر تک تکبیرات کہا کرتے تھے۔ آگے حضرت وکیع کی حدیث جیسے الفاظ ذکر کئے۔

حضرت شریک کہتے ہیں کہ میں نے ابو اسحاق سے کہا کہ حضرت علی رضی اللہ عنہ اور حضرت عبد اللہ کیسے تکبیرات کہا کرتے تھے ؟ انہوں نے فرمایا کہ ان کی تکبیرات کے الفاظ یہ تھے : اللَّہُ أَکْبَرُ اللَّہُ أَکْبَرُ لاَ إِلَہَ إِلاَّ اللَّہُ ، وَاللَّہُ أَکْبَرُ اللَّہُ أَکْبَرُ وَلِلَّہِ الْحَمْدُ ۔

حسن تین مرتبہ اللہ اکبر کہا کرتے تھے۔

حضرت ابن عباس رضی اللہ عنہما کی تکبیرات کے الفاظ یہ تھے : اللَّہُ أَکْبَرُ کَبِیرًا اللَّہُ ، أَکْبَرُ کَبِیرًا اللَّہُ ، أَکْبَرُ وَأَجَلُّ ، اللَّہُ أَکْبَرُ وَلِلَّہِ الْحَمْدُ ۔