مصنف ابن ابي شيبه

حضرت جعفر بن برقان کہتے ہیں کہ حضرت عمر بن عبد العزیز نے ہمیں خط لکھا کہ اگر کوئی شخص چل کر عید گاہ میں آنے کی طاقت رکھتا ہو تو وہ چل کر آئے۔

حضرت علی رضی اللہ عنہ فرماتے ہیں کہ سنت یہ ہے کہ تم چل کر عید گاہ کی طرف آؤ۔

حضرت زر فرماتے ہیں کہ حضرت عمر بن خطاب عید الفطر یا عید الاضحی کے دن ایک روئی کی چادر اوڑھے چلتے ہوئے تشریف لائے۔

ابراہیم عیدین اور جمعہ کے لئے سوار ہو کر آنے کو مکروہ سمجھتے تھے۔

حضرت محمد بن ابی حفصہ فرماتے ہیں کہ میں نے حسن کو دیکھا کہ وہ عید کی نماز کے لئے سوار ہو کر آتے تھے۔