مصنف ابن ابي شيبه

حضرت عائشہ رضی اللہ عنہا فرماتی ہیں کہ جب جمعہ کی نماز کا وقت ہوجائے تو نماز پڑھے بغیر کسی سفر پر مت نکلو۔

حضرت عبدا لرحمن بن قاسم فرماتے ہیں کہ میرے والد جمعہ کی رات کو سفر کرلیا کرتے تھے لیکن جب فجر طلوع ہوجاتی تو سفر نہیں کرتے تھے۔

حضرت خیثمہ فرماتے ہیں کہ اسلاف اس بات کو پسند فرماتے تھے کہ جب جمعہ کی نماز کا وقت ہوجائے تو جمعہ پڑھنے تک سفر پر نہ نکلیں۔

حضرت حسان بن عطیہ فرماتے ہیں کہ جب کوئی شخص جمعہ کے دن سفر کرے تو اس کے لئے یہ بددعا کی جائے گی کہ کوئی اس کے ساتھ نہ جائے اور کوئی اس کے سفر میں اس کی مدد نہ کرے۔

حضرت سعید بن مسیب فرماتے ہیں کہ جمعہ کے دن جمعہ کی نماز کے بعد سفر کیا جائے گا۔

حضرت مجاہد فرماتے ہیں کہ جو لوگ جمعہ کی نماز کا وقت ہوجانے کے بعد سفر کے لئے نکلیں تو ان پر ایک آگ اس آگ کے علاوہ جل جاتی ہے جو وہ دیکھ رہے ہیں۔

حضرت ہشام بن عروہ فرماتے ہیں کہ حضرت عروہ جمعہ کی رات کو سفر کیا کرتے تھے اور جمعہ کا انتظار نہیں کرتے تھے۔