مصنف ابن ابي شيبه

حضرت شعبی اور حضرت سعید بن جبیر فرماتے ہیں کہ نفل میں سجودِ سہو ہوتے ہیں۔

حسن نفل میں سجودِ سہو کے قائل تھے۔

حضرت سعید بن مسیب فرماتے ہیں کہ جس طرح فرض میں سجودِ سہو ہوتے ہیں اسی طرح نفل میں بھی ہوتے ہیں۔

حضرت ابن عون کہتے ہیں کہ میں نے محمد سے سوال کیا کہ کیا نفل نماز میں وہم کا اعتبار ہے ؟ انہوں نے فرمایا کہ میں نہیں جانتا کہ اس کا مقام کون سا ہے۔ میں نے کہا کہ نفل میں وہم کی صورت میں سہو کے دو سجدے کئے جائیں گے ؟ انہوں نے فرمایا کہ کیا تم نفل کو فرضوں کے مشابہ مانتے ہو ؟ اگر میرے ساتھ ایسا معاملہ ہو تو میں سجدۂ سہو نہیں کروں گا۔

حضرت قتادہ نفل نماز میں وہم کا اعتبار نہ کرتے تھے۔