مصنف ابن ابي شيبه

حضرت مغیرہ کہتے ہیں کہ میں نے ابراہیم سے پوچھا کہ میں آیت سجدہ پڑھوں اور سجدہ کرتے ہوئے بھول کر اس کے ساتھ ایک اور سجدہ ملا لوں تو میرے لئے کیا حکم ہے ؟ انہوں نے فرمایا کہ اب سہو کے بھی د وسجدے کرو۔

حسن اس شخص کے بارے میں جو فرض نماز کے دوران آیت سجدہ پڑھے، پھر دو سجدے کرلے فرماتے ہیں کہ وہ فارغ ہونے کے بعد دو سجدے سہو کے بھی کرے گا۔

حضرت عبید اللہ بن ابی زیاد فرماتے ہیں کہ میں نے حضرت سعید بن جبیر سے پوچھا کہ میں اگر حالت سجود میں آیت سجدہ پڑھوں تو کیا میں سجدہ کروں گا ؟ انہوں نے فرمایا نہیں، لکنن تم سجدے کی حالت میں آیت سجدہ کیوں پڑھتے ہو ؟