مصنف ابن ابي شيبه

حضرت ابن عمر رضی اللہ عنہما فرماتے ہیں کہ حضر ت عمر نے سور ۃ الحج میں دو مرتبہ سجدہ فرمایا اور ارشاد فرمایا کہ اس سورت کو دو سجدوں کی وجہ سے باقی سورتوں پر فوقیت حاصل ہے۔

حضرت عبد اللہ بن اصعر فرماتے ہیں کہ انہوں نے حضرت عمر کے ساتھ نمازپڑھی۔ حضرت عمر نے سورة الحج کی تلاوت کی اور اس میں دو مرتبہ سجدہ فرمایا۔

حضرت ابو الدرداء نے سورة الحج میں دو مرتبہ سجدہ فرمایا۔

حضرت ابن عباس رضی اللہ عنہما فرماتے ہیں کہ سورة الحج میں دو سجدے ہیں۔

حضرت علی رضی اللہ عنہ فرماتے ہیں کہ سورة الحج میں دو سجدے ہیں۔

حضرت ابو عبد الرحمن سورة الحج میں دو سجدے کیا کرتے تھے۔

حضرت عبد اللہ بن عمرو رضی اللہ عنہ نے سورة الحج میں دو سجدے کئے۔

حضرت ابو العالیہ فرماتے ہیں کہ سورة الحج میں دو مبارک اور پاکیزہ سجدے ہیں۔

حضرت ابو اسحاق فرماتے ہیں کہ میں ستر سال سے لوگوں کو سورة الحج میں دو سجدے کرتے دیکھ رہا ہوں۔

حضرت زر اور حضرت ابو عبد الرحمن سورة الحج میں دو سجدے کیا کرتے تھے۔