مصنف ابن ابي شيبه

حضرت قیس بن عبایہ کہتے ہیں کہ مجھ سے ابن عبد اللہ بن مغفل نے اپنے والد کے بارے میں بیان کیا (وہ بدعات کے معاملے میں تمام صحابہ سے زیادہ سختی کرنے والے تھے) کہ ایک مرتبہ انہوں نے مجھے نماز میں { بِسْمِ اللہِ الرَّحْمَنِ الرَّحِیم } کہتے سنا تو مجھ سے فرمایا اے میرے بیٹے ! بدعت سے بچو ! میں نے رسول اللہ حضور صلی اللہ علیہ وآلہ وسلم ، حضرت ابو بکر، حضرت عمر اور حضرت عثمان کے پیچھے نماز پڑھی ہے اور ان میں سے کسی کو بھی { بِسْمِ اللہِ الرَّحْمَنِ الرَّحِیم } کہتے نہیں سنا۔ جب تم قرائت کرو تو { الْحَمْدُ لِلَّہِ رَبِّ الْعَالَمِینَ } کہو۔

حضرت انس رضی اللہ عنہ فرماتے ہیں کہ حضرت ابو بکر، حضر ت عمر اور حضرت عثمان قراءت کو { الْحَمْدُ لِلَّہِ رَبِّ الْعَالَمِینَ } سے شروع کیا کرتے تھے۔ راوی حمید کہتے ہیں کہ میرے خیال میں انہوں نے نبی پاک حضور صلی اللہ علیہ وآلہ وسلم کا ذکر بھی کیا۔

حضرت انس رضی اللہ عنہ فرماتے ہیں کہ نبی پاک حضور صلی اللہ علیہ وآلہ وسلم ، حضرت ابو بکر، حضرت عمر اور حضرت عثمان قراءت کو { الْحَمْدُ لِلَّہِ رَبِّ الْعَالَمِینَ } سے شروع کیا کرتے تھے۔

حضرت عائشہ رضی اللہ عنہا فرماتی ہیں کہ نبی پاک حضور صلی اللہ علیہ وآلہ وسلم نماز کو تکبیر سے اور قراءت کو { الْحَمْدُ لِلَّہِ رَبِّ الْعَالَمِینَ } سے شروع کیا کرتے تھے۔

حضرت عبد اللہ قراءت کو الْحَمْدُ لِلَّہِ رَبِّ الْعَالَمِینَ سے شروع کیا کرتے تھے۔

حضرت انس قراءت کو { الْحَمْدُ لِلَّہِ رَبِّ الْعَالَمِینَ } سے شروع کیا کرتے تھے۔

حضرت ابن سیرین آہستہ آواز سے { بِسْمِ اللہِ الرَّحْمَنِ الرَّحِیم } پڑھا کرتے تھے۔

حسن قراءت کو { الْحَمْدُ لِلَّہِ رَبِّ الْعَالَمِینَ } سے شروع کیا کرتے تھے۔

ابراہیم فرماتے ہیں کہ امام بِسْمِ اللہِ الرَّحْمَنِ الرَّحِیم، اَعُوْذُ بِاللّٰہِ ، آمِینَ اور رَبَّنَا لَکَ الْحَمْدُ کو آہستہ آواز سے کہا کرتے تھے۔

حضرت عبد اللہ { بِسْمِ اللہِ الرَّحْمَنِ الرَّحِیم }، آمِینَ اور رَبَّنَا لَکَ الْحَمْدُ کو آہستہ آواز سے پڑھا کرتے تھے۔

ابراہیم فرماتے ہیں کہ امام کا اونچی آواز سے { بِسْمِ اللہِ الرَّحْمَنِ الرَّحِیم } پڑھنا بدعت ہے۔

حضرت عروہ اور حضرت ابن زبیر اونچی آواز سے بِسْمِ اللّٰہ نہ پڑھا کرتے تھے۔

حضرت ابوبکر قراءت کو { الْحَمْدُ لِلَّہِ رَبِّ الْعَالَمِینَ } سے شروع کیا کرتے تھے۔

حضرت ابو وائل قراءت کو { الْحَمْدُ لِلَّہِ رَبِّ الْعَالَمِینَ } سے شروع کیا کرتے تھے۔

حضرت شعبہ فرماتے ہیں کہ میں حضرت حکم، حضرت حماد اور حضرت ابو اسحاق سے بِسْمِ اللّٰہ کو بلند یا آہستہ آواز سے پڑھنے کے بارے میں سوال کیا تو انہوں نے فرمایا بِسْمِ اللّٰہ الرَّحْمَنِ الرَّحِیمِ کو اپنے دل میں پڑھو۔

حضرت ابن عباس رضی اللہ عنہما فرماتے ہیں کہ بِسْمِ اللّٰہ الرَّحْمَنِ الرَّحِیمِ دیہاتیوں کی قراءت ہے۔

حضرت انس رضی اللہ عنہ فرماتے ہیں کہ میں نبی پاک حضور صلی اللہ علیہ وآلہ وسلم ، حضرت ابو بکر، حضرت عمر اور حضرت عثمان کے پیچھے نماز پڑھی وہ بِسْمِ اللّٰہ الرَّحْمَنِ الرَّحِیمِ کو اونچی آواز سے نہیں پڑھا کرتے تھے۔

حضرت انس رضی اللہ عنہ فرماتے ہیں کہ رسول اللہ حضور صلی اللہ علیہ وآلہ وسلم ، حضرت ابو بکر، حضرت عمر اور حضرت عثمان نماز کو { الْحَمْدُ لِلَّہِ رَبِّ الْعَالَمِینَ } سے شروع کیا کرتے تھے۔

حضرت علی رضی اللہ عنہ بِسْمِ اللّٰہ الرَّحْمَنِ الرَّحِیمِ کو اونچی آواز سے نہیں پڑھا کرتے تھے۔

حضرت ابو جعفر فرماتے ہیں کہ بِسْمِ اللّٰہ الرَّحْمَنِ الرَّحِیمِ کو اونچی آواز سے نہیں پڑھا کرتے تھے۔

حضرت اسود فرماتے ہیں کہ میں نے حضرت عمر کے پیچھے ستر نمازیں پڑھی ہیں وہ بِسْمِ اللّٰہ الرَّحْمَنِ الرَّحِیمِ کو اونچی آواز سے نہیں پڑھا کرتے تھے۔

حضرت علی رضی اللہ عنہ اور حضرت عمار بِسْمِ اللّٰہ کو اونچی آواز سے نہیں پڑھا کرتے تھے۔

حضرت مالک بن زیاد فرماتے ہیں کہ عمر بن عبد العزیز نے ہمیں نماز پڑھائی، انہوں نے نماز کو { الْحَمْدُ لِلَّہِ رَبِّ الْعَالَمِینَ } سے شروع کیا۔