مصنف ابن ابي شيبه

حضرت زید بن اسلم فرماتے ہیں کہ حضور حضور صلی اللہ علیہ وآلہ وسلم اور حضرت ابوبکر کے دور میں مسجد میں پانی چھڑکا جاتا اور جھاڑو پھیری جاتی تھی۔

حضرت عبد المطلب بن عبد اللہ بن حنطب کہتے ہیں کہ حضرت عمر اپنے گھوڑے پر مسجد قباء آئے اور اس میں نماز پڑھی۔ پھر اپنے غلام سے فرمایا اے یرفأ! جھاڑو لاؤ۔ وہ جھاڑو لے آئے تو حضرت عمر نے اپنے کپڑوں کو سمیٹ کرمسجد میں جھاڑو دی۔

حضرت ابو عاصم ثقفی کہتے ہیں کہ میں حضرت شعبی کے ساتھ مسجد میں تھا، وہ سر جھکا کر کچھ کرنے لگے۔ میں نے پوچھا اے ابو عمرو ! آپ کیا کررہے ہیں ؟ انہوں نے کہا کہ میں لکڑی کے ٹکڑے، حشرات اور دوسری چیزیں اٹھا رہا ہوں اور ابوعاصم نابناو تھے۔

حضرت عکرمہ بن عمار کہتے ہیں کہ میں نے حضرت سالم کو دیکھا کہ انہوں نے ایک جگہ جھاڑو دی پھر نماز پڑھی۔

حضرت یعقوب بن زید فرماتے ہیں کہ نبی پاک حضور صلی اللہ علیہ وآلہ وسلم ایک جھاڑو سے مسجد کا غبار جھاڑ دیا کرتے تھے۔