مصنف ابن ابي شيبه

حضرت علی رضی اللہ عنہ اور حضرت عبداللہ فرمایا کرتے تھے کہ پہلی دو رکعتوں میں قراءت کرو اور آخری دو رکعتوں میں تسبیح پڑھ لو۔

حضرت علی رضی اللہ عنہ فرماتے ہیں کہ پہلی دو رکعتوں میں قراءت کی جائے اور آخری دو رکعتوں میں تسبیح پڑھ لی جائے۔

حضرت منصور کہتے ہیں کہ میں نے ابراہیم سے پوچھا کہ نماز کی آخری دو رکعتوں میں کیا کیا جائے ؟ انہوں نے فرمایا کہ اللہ کی تسبیح بیان کرو، اس کی حمد بیان کرو اور اللہ اکبر کہو۔

ابراہیم فرماتے ہیں کہ آخری دو رکعتوں میں تسبیح وتکبیر کہو۔

حضرت ابن الاسود فرماتے ہیں کہ پہلی دو رکعتوں میں سورۃ ا لفاتحہ اور کوئی سورت پڑھے اور آخری دو رکعتوں میں تسبیح وتکبیر کہے۔

حضرت علی رضی اللہ عنہ فرماتے ہیں کہ آخری دو رکعتوں میں دو مرتبہ تسبیح وتکبیر کہے۔